Македонската ракометна репрезентација почнува нова ера, под водство на Кирил Лазаров, како и селектор, со нов стручен штаб и кам-бек на Филип Миркуловски. Најдобриот со помош на искусните играчи и со идните надежи имаат една цел – да го вратат препознатливиот сјај по бледото издание на Светското првенство.
Лазаров ги собра белешките, сака да создаде свој – посебен модел, сака Македонија и натаму да го држи континутетот на големите натпреварувања, сака младите сили за да застанат на здрави нозе, да не се потпираат на нив, сака да создаде нови ветришта, сака македонската нација да се гордее со нив.
Кире има полни раце работа, но тоа не го плаши, напротив за него и помошниците е голем предизвик.
sportmedia.mk