Швајцарката Лара Гут-Бехрами триумфираше на денешниот спуст од Светскиот куп кој се возеше во италијанскиот зимски центар Вал ди Фаса. По оваа денешна победа, Швајцарката го презема лидерското место во генералниот пласман за оваа сезона.
Гут-Бехрами, носителка на бронзен медал од СП во Кортина Д’Ампецо, триумфираше со време од 1 23,93 минути и ја забележа петтата сезонска победа и 31-та во кариерата. Рамона Зибенхофер (Австрија) заврши втора со 2 стотинки заостанување, додека третото место и припадна на светската шампионка во спуст, Корина Зутер (Швајцарија) која задоцни 26 стотинки зад победничката.
Lara Gut-Behrami non si ferma più! 😍
Vince la discesa in Val di Fassa e supera Petra Vlhova nella generale, Vlhova era in testa da novembre… 😏⚡🎿#EurosportSCI pic.twitter.com/fSrH6TTNKi
— Eurosport IT (@Eurosport_IT) February 26, 2021
По денешната победа, Лара Гут-Бехрами се најде на првото место во генералниот пласман на Светскиот Куп со 1.047 поени. Петра Влхова (Словачка) е втора со 1018 бода.
sportmedia.mk
