Актуелниот менаџер на Арсенал, Микел Артета може да ја преземе Барселона, пренесува Радио Монте Карло. Според информацијата, Артета е картата на која игра Жоан Лапорта, доколку тој ги добие изборите за нов претседател на каталонскиот клуб кои се закажани за 7 март.
Артета засега изгледа сигурен на менаџерското место кај „топчиите“, но ништо нема да биде сигурно доколку клубот остане далеку од врвот на табелата до крајот на сезоната. Каталонците веќе одамна се подготвуваат за трајно тренерско решение кое не го гледаат во Роналд Куман. Медиумите шпекулираат со името на Чави Ернандез кој останува прв фавори за тренерското место следната сезона, но ако Лапорта победи, нема да биде изненадување и евентуалното враќање на Артета во својот некогашен тим.
sportmedia.mk