По денешните натпревари од претпоследното 37. Коло во Ла Лига, стана јасно дека покрај Реал Мадрид и Атлетико Мадрид, и Реал Сосиедад ќе им се приклучи во Лигата на шампионите.
Во Лига Европа ќе одат Виљареал и Реал Бетис, додека борбата за седмото место кое води во Конференциската лига останува отворена, а тоа место во последното коло можат да го заземат Осасуна, Атлетик Билбао, Жирона, Рајо Ваљекано или Севиља.
Борбата за останување во лигата никогаш не била полуда. Елче одамна испадна, а денеска му се приклучи и Еспањол, кој одигра 2:2 кај Валенсија. Во опасност од испаѓање се и Кадиз, Алмерија, Валенсија, Селта, Хетафе и Ваљадолид.
Мајорка беше поразена од Барселона со 3:0. Фати постигна гол во првата минута, а во 24. минута ја удвои предноста за Барселона. Конечниот резултат го постави Гави во 70. минута. Атлетико Мадрид во дербито на колото го совлада Реал Сосиедад со 2:1, а стрелци беа Гризман и Молина, додека Сорлот беше стрелец за гостите.
Виљареал остана без шанса за Лигата на шампионите бидејќи беше поразен кај Рајо со 2:1.
Ла Лига, 37 коло:
Барселона – Мајорка 3:0
Атлетик Билбао 0:1
Алмерија – Ваљадолид 0:0
Атлетико Мадрид – Реал Сосиедад 2:1
Хетафе – Осасуна 2:1
Жирона – Реал Бетис 1:2
Рајо Ваљекано – Виљареал 2:1
Валенсија – Еспањол 2 :2
Кадиз – Селта 1:0
