Шпанија беше на „праг“ да загуби уште два бода во квалификациите, откако со Грција одигра нерешено 1:1 на стартот од квалификациите.
Вечерва големиот фаворти гостуваше во Тбилиси кај Грузија која изненадувачки дојде до водство. Меѓутоа во финишот се спаси „фуријата“ со два гола, од кои едниот во судиското надополнување за пресврт и победа.
Кварацхвелија донесе водство за Грузијците во 44. минута. Феран Торес во 56. минута донесе израмнување, а Олмо во 92. минута погоди од далечина за голем триумф.
Данска му даде осум голови на тимот на Молдавија, и убедливо го порази, додека Англија со 0:2 го совлада тимот на Албанија во Тирана.
sportmedia.mk