Филипе Кутињо може да не игра, или да игра сосема малку до крајот на актуелната сезона поради тешката финансиска ситуација во која се наоѓа Барселона. Во моментот Бразилецот лекува повреда и се очекува да се врати на терените во март.

Според шпанските медиуми тренерот Роналд Куман ќе биде посоветуван да не го користи премногу Кутињо во завршницата на сезоната. Причината е клаузулата во договорот при трансферот од Ливерпул. Ако фудбалерот одигра уште седум натпревари за Барселона, каталонците ќе треба да му платат дополнителни 5 милиони евра на англискиот клуб.

Тоа може дополнително да ја усложни финансиската состојба на шпанскиот гигант, кој треба да му исплати на Ливерпул уште 25 милиони фунти според договореното и општо 112 милиони на 19 различни клубови.

Кутињо сезонава одигра 14 натпревари со ефект од три гола и две асистенции.

sportmedia.mk