Нов проблем за Барселона. Тренерот Роналд Куман ќе мора на „ладење“, па каталонскиот великан ќе мора следните два меча да ги игра без него. Тоа се гостувањето на „Местаља“ против Валенсија и супер-пресметката со Атлетико Мадрид на „Ноу Камп“, директниот ривл за титулата.
Причината за суспензијата е црвениот картон што Куман го доби вчера на мечот со Гранада поради коментари кон судијата. Куман ќе го нема на клупата на мечот со Валенсија во сабота, како и мечот со лидерот Атлетико Мадрид на 8 мај.
Иако Куман велеше дека ништо лошо не му рекол на судијата, четвртиот судија го забележа во својот бележник, па Дисциплинската комисија денеска донесе одлука да го казни Холанѓанецот.
sportmedia.mk
