Халфот на Реал Мадрид Тони Крос е позитивен на КОВИД-19, објавија од кралскиот клуб. Германецот е во изолација од петокот откако имал директен контакт со заразен човек. Првичните резултати му беа негативни, но денеска тестот покажал дека тој е позитивен на коронавирусот.
Па така германскиот интернационалец нема да може да му помогне на Реал во последното коло од Ла Лига против Виљареал кој е од огромна важност. Реал мора да го добие тој натпревар, а истовремено да чека кикс на големиот ривал Атлетико Мадрид кој е на чело на табелата. Разликата меѓу нив е два бода.
sportmedia.mk