Се чини дека и дефинитивно Роналд Куман по завршување на тековната сезона во Ла Лига ќе добие “шут карта“ од Барселона. Него може да го спаси само освојување на титулата, но сега Атлетико Мадрид е на чекор до тронот.
Во последните неколку денови во тамошните медиуми се шпекулира со името на Жорди Кројф за нов тренер на Барса, а сензационално ЕСПН објавува дека Лапорта го сакал Ханси Флик, екс тренерот на Баерн Минхен и новиот селектор на Германија, за стратег на каталонците.
Се чини дека тоа ќе беше идеално решение за Барса, но овој клуб и Лапорта како да задоцниле.
Имено откако контактирале со менаџерите на германскиот стратег, првите луѓе на Барса добиле одговор дека Флик е во завршни разговори со Фудбалскиот сојуз на Германија и дека тој ќе го наследи Јоаким Лев на селекторската функција.
sportmedia.mk