Кајри Ирвинг, бекот на Бруклин Нетс и еден од најдобрите кошаркари во светот, на својот Инстаграм профил побара од надлежните во НБА да го сменат логото.

Коби Брајант мора да го има новото лого на НБА, тоа мора да се случи. “Црните кралеви“ ја изградија оваа игра“ напиша Ирвинг.

Да потсетиме дека моменталната силуета на логото на НБА е на Џери Вест, легендарниот кошаркар на Лејкерси од шеесетите и седумдесетите години од минатиот век. Самиот Вест пред неколку години даде идеја неговата силуета да се замени со онаа на Мајкл Џордан, човек кој кошарката ја дигна во некоја друга димензија. Сепак по трагичната смрт на Брајант, светот на кошарката е се погласен во барањата токму силуетата на Коби да биде на новото лого.

Од друга страна, раководството на НБА засега нема намера нешто да менува кога станува збор за ова прашање.

sportmedia.mk