Лидерот во Западната конференција, Јута Џез го запиша 34. триумф оваа сезона во НБА-лигата, откако против Мемфис славеше со 126-110. Домашните кошаркари дуелот го решија во првата четвртина во која имаа позитива од 20 поени (39:19).

За Јута ова беше петта победа во низа, одличен беше Мичел со 35 поени, Кларксон запиша 28 поени.

Во едно од дербито одиграни во НБА-лигата, ЛА Клиперс ја совладаа Филаделфија со 122-112 и стигнаа до петата победа во низа и останаа на третото место во Западот пред градскиот ривал и актуелен првак, ЛА Лејкерс.

Најдобар во составот на Клиперси беше Леонард со 28 поени, додека на другата трана Херис имаше 29 поени.

Далас Маверикс без Лука Дончиќ дефинитивно не може, беше поразен од Њу Олреанс со 112-103. Вилијамсон со 38 поени доминираше на овој натпревар.

Резултати: Милвоки – Њујорк 96-102, Минесота – Хјустон 107-129, Вашингтон – Детроит 106-92, Сан Антонио – Чикаго 120-104, Њу Орлеанс – Далас 112-103, Оклахома – Бостон 94-111, Јута – Мемфис 126-110, ЛА Клиперс – Филаделфија 122-112, Сакраменто – Кливленд 100-98.

ФОТО: utahjazz @utahjazz/twitter

sportmedia.mk