logo
logo
logo

Јунајтед по вториот, а Виљарел по првиот трофеј во Лига Европа

Vecer | 26.05.2021

Јунајтед по вториот, а Виљарел по првиот трофеј во Лига Европа

Вечерва на стадионот „Енерга“ во Гдањск, Полска ќе биде доделен првиот од двата големи трофеја на УЕФА. Вечерва со почеток од 21:00 часот се игра финалето на Лига Европа во кое силите ќе ги одмерат шпанскиот Виљареал и англискиот Манчестер Јунајтед.

Манчестер Јунајтед атакува на вториот трофеј во Лига Европа по оној што го освои во 2017 година по триумфот над Ајакс (2:0), додека Виљареал првпат во историјата е во едно финале на европски куп.

Инаку ова е трето финале на УЕФА помеѓу клубови од Шпанија и Англија, претходните ги добија Шпанците – Атлетико-Фулам 2:1 и Севиља-Ливерпул 3:1.

„Ова е голем натпревар за нас, можеби е отскочна даска за нешто поголемо во иднина. Оваа група на фудбалери е одлична, долго време работи заедно и време е да отиде чекор понапред“, изјави Солскјер.

Финале на ЛЕ: Четирите меѓусебни дуели завршија 0:0, се надеваме дека вечер нема да биде така

Јунајтед ќе биде без столбот во одбраната Хари Мегваер поради повреда, од исти причини ќе ги нема ни Антони Марсијал и Фил Џонс.

Кај Виљареал поради повреда отпадна Ибора, а неизвесни се Фојт и Чуквуезе.

За Јунајтед ова е и осмо финале во Европа што е втор англиски клуб во оваа категорија, по Ливерпул кој има 14 финалиња.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk