Вардар 1961 одново остана со празни раце во дуелот со Пик Сегед. Во Скопје поради неколку грешки „црвено-црните“ изгубија, а истото сценарио им се повтори и во Унгарија. Вардарци водеа на полувреме, но лошиот старт на вториот дел и неколкуте грешки ги одведе во пораз против унгарскиот вицешампион. На прес-конференција Ловро Јотиќ посочи дека „црвено-црните“ заслужиле барем бод.
„Честитки уште еднаш за ПИК Сегед за победата. Ги добија двата натпревари со нас, а ние заслуживме барем еден поен на овие средби. И на двете средби имавме две добри полувремиња, но во вторите полувремиња правевме грешки во нападите. Мора да продолжиме понатаму и се надевам дека ќе дојдеме до посакувани резултати во следните натпревари“, кажа Јотиќ.
Следниот меч на Вардар е против норвешки Елверум во Скопје.
sportmedia.mk
