За првпат во својата клупска историја, одбојкарките на Јанта Волеј КБ ја освоија двојната круна на домашната одбојкарска сцена. Во „мајсторката“ од финалето на плеј-офот Јанта Волеј КВ славеше со 3:2 (22:25, 26:24, 14:25, 26:24, 15:11) во дуелот со Вардар и со тоа успеа да дојде до клучната победа за освојување на шампионската титула.
„Вардарки“ имаа две големи шанси да дојдат до шампионската титула, откако двапати водеа со 1:0 и 2:1 во сетови, но во четвртиот сет дозволија Јанта Волеј КВ да се врати во неизвесна завршница и на крајот да се избори за тај-брејк во кој успеа да ја освои шампионската круна.
Голема битка на двете страни имаа интернационалките Собол од Украина во дресот на Јанта Волеј КВ и Агуеро од Куба кај екипата на Вардар, кои мечот го завршија со 35, односно 33 реализирани поени. За Јанта Волеј КВ ова е трета титула на домашната сцена по оние од 2017 и 2019 година.
sportmedia.mk