Одбојкарките на Јанта Волеј КВ се новите освојувачки на Купот на Македонија. Во денешното финале во Струмица, Јанта Волеј КВ извојува победа од 3:1 над екипата на Вардар и во петтото Куп-финале успеа да дојде до престижниот пехар. Атакот на пехарот, одбојкарките на тренерот Манасков го најавија уште во првиот сет, кој го добија со убедливи 25-18.
Следуваше осличен и неизвесен втор сет, во кој вардарки се вратија во добар ритам, но не успеаја да израмнат. Јанта Волеј КВ дојде до 25-23 и поведе и со 2:0 во сетови. Вардар имаше одличен трет сет во кој најави дека нема да се предаде лесно.
“Црвено-црните” со голема борба успеаја да го освојат сетот со 25-20 и да намалат на 2:1 во сетови. Жестпката битка на паркетот во Струмица продолжи и во четвртиот сет, кој Јанта Волеј КВ го доби на разлика, 26-24 за конечен триумф и освојување на куп-трофејот.
sportmedia.mk
