Голманот Ристе Јанков е еден од новаците во составот на Игор Ангеловски. Чуварот на мрежата на Работнички е повикан за претстојните натпревари на Македонија во квалификациите за СП 2022. Тој истакна дека е горд што е дел од националниот тим.
„ Благодарност за поканата. Задоволство е да се биде овде. Ќе го дадам својот максимум за што подобро да се подготвиме за овие натпревари. Оваа селекција има квалитет и може да се носи со сите. Верувам дека ќе ја постигнеме нашата цел. Со тоа што се пласиравме на Европско првенство докажавме дека имаме квалитет во нашите редови. Убеден сум дека секој фудбалер ќе го даде својот максимум. Секој натпревар е важен за нас, без разлика против кого играме“, вели чуварот на мрежата на Работнички.
sportmedia.mk