Николај Јакобсен и неговите момци се во шок. Во ниту еден момент не веруваа дека по освојувањето на светската круна ќе дојдат во Скопје и ќе бидат „патосирани“. Данска е на колена, а предводникот на тимот буквално не знаеше што се случува на теренот, не им веруваше на своите очи.

„За ова не бевме подготвени. Направивме премногу грешки во нападот, а потоа и промашивме премногу шутеви, за да можеме да победиме денеска овде. На многу натпревари ја имам водено Данска, а ова не беше еден од добрите. Натпреварот тргна во погрешна насока, а ние во ниту еден момент не можевме да излеземе на крај со нивните двајца пивоти“, изјави Јакобсен.

 

sportmedia.mk