Струга Трим Лум денеска против забревтаниот Шкупи со Гоце Седлоски на клупата, на свој терен во Струга игра меч кој можеби ќе решава дали ова лето ќе игра во Европа или не. Остануваат уште четири кола до крајот, Македонија ЃП е трета со само бод предност, па ете шанса за Струга ТЛ со добри игри и добри резултати да испише клупска историја.
Сите се свесни во таборот на стружани дека нема воопшто да биде лесно, напротив, но сепак се верува во себе.
Тоа го вели и младиот офанзивец на Стружани, Абдулхади Јахја:
“Сите ние во Струга Трим Лум очекуваме тежок натпревар. Играме екстра важен меч, меч кој ни значи многу во борбата за тоа трето место и можеби за излез во Европа. Максимално сме подготвени за оваа средба, ќе се бориме до последната секунда за да бодовите останат во Струга“.
Поради пет жолти картони на оваа средба за Струга ТЛ нема да настапи Таири, а кај гостите пак Трапановски.
sportmedia.mk
