ЈА ИЗДАДЕ РЕПРЕЗЕНТАЦИЈАТА, ЈА ИЗДАДЕ ЦЕЛА НАЦИЈА, ЗА МЕНЕ СИ МРТОВ! Бура во Хрватска, после Просинечки се јавил ЌИРО
Напад на селекторот и лошата игра не му простуваат на Анте Ребиќ дури ни оние на кого бил миленик.
Пукна љубовта меѓу Ќир Блажевиќ и Анте Ребиќ. Пред првенството “тренерот на сите тренери“ зборувал како Ребиќ му е омилен играч, но тоа се сменило.
Крилниот напаѓач на Милан одиграл многу лош турнир, бил директен виновник за првиот гол кои Хрватите го примиле од Шпанија, а потоа го критикувал и тренерот Далиќ. Ребиќ се огласил на Инстаграм а тоа Ќиро не му го простува!
“Многу ми е жал бидејќи Ребиќ беше мој љубимец. После оваа негова лоша изјава, тој за мене, а мислам и за репрезентацијата, е мртов “, рекол Блажевиќ.
Познат по остриот јазик тој отишол и понатаму. Не само што Ребиќ со овој гест го изнервирал него, туку и целата нација.
“Тоа не се опростува, тоа е најлошо што еден играч може да каже. Тој го издаде Далиќ, но не само него, туку цела нација“, Додал Ќиро и се присетил како се добро функционирало кога се нижеле успеси.
“Сите млади жени во Хрватска биле заљубени во него! Беше навистина одличен, и Далиќ му беше тогаш најдраг. Сега откако го направи тоа што го направи... Ништо не донесе во утакмиците на Евро, го загуби секој кребилитет, а со оваа изјава покажал дека не е спортиста. Многу ми е жал“, нагласил Блажевиќ.
Не се само бившите и сегашните тренери на Хрватска кои влегле воконфликт со Ребиќ. Тоа неодамна го направил и Роберт Просинечки, на многу суптилен начин.
