После цели 30 месеци или речиси три години и официјално натпреварот од групната фаза во ЛШ меѓу ПСЖ и Ц. Звезда сепак бил чист, односно не бил наместен. Имено денеска француското државно обвинителство реши да ја прекине истрагата и да го затвори случајот.
Да се потсетиме дека овој меч се одигра на 30 септември 2018 година и заврши со резултат 6:1 за “светците“, а истрага беше покрената поради наводните докази дека висок функционер на Ц. Звезда наводно се обидел да уплати 5 милиони евра на победа на ПСЖ со разлика од пет голови.
И двата клуба жестоко ги демантираа овие наводи, но сепак истрага имаше, а сега истата е прекината.
„Правдата е спора, но е достижна. Ова е голема победа на Ц.Звезда, но и на фудбалот воопшто“ искоментира попладнево генералниот директор на Ц. Звезда, Ѕвездан Терзиќ.
sportmedia.mk