Еритреецот Биниам Гирмај е победник на 10-тата етапа од велосипедската трка Џиро д’Италија и со тоа се впиша во историјата како прв црнец кој остварил етапна победа на култната трка низ Италија.
Членот на екипата на Интермарш-Ванти-Гобер 196 км долга патека од Пескара до Јези ја поминал за 4 часа, 32 минути и 7 секунди. Второто место во завршниот спринт го освои Холанѓанецот Матје ван дер Пул (Алпесин-Феникс), додека трет беше Италијанецот Винченцо Албанезе (ЕОЛО-Комета).
Инаку во вкупниот поредок на Џирото води Шпанецот Хуан Педро Лопес (Трек-Сегафредо) со 12 секунди предност пред Португалецот Жоао Алмеида (ОАЕ Тим Емирејтс).