Баскет Кам испиша историја, за првпат во својата клупска историја дојде до пехарот во Купот на Македонија. Во финалето кошаркарките на новиот освојувач на тронот во ова натпреварување одиграа доминантно против Бадел и сосема заслужено се радуваа.

МВП признанието и припадна на Гобелиќ, која постигна 25 поени и 9 скока.

По доделувањето на медалите, од Баскет Кам порачаа дека одат по двојната титула.

„Презадоволена сум, искрено ја очекувавме оваа победа. Им честитам на соиграчките за играта. Се надевам на уште повозбудливо финале во плеј-офот. Мило ми е што се придонесува за развојот на женската кошарка. Се надевам дека сезоната ќе ја завршиме со двојна титула“, изјави македонската репрезентативка, Анжелика Митрашиновиќ која блескаше и на двете средби.

sportmedia.mk