Екипата на Интер продолжи да реди победи и да трча кон „Скудетото“. Момците на Антонио Конте денеска ги освоија бодовите на гостувањето кај Торино со тоа што победија со 1:2. Лукаку од пенал во 62 минута ги донесе „Нероаѕурите“ во водство, но изедначи Санабрија осум минути подоцна.
Сепак, трите бода за Интер ги обезбеди Лаутаро Мартинез во 85. минута.
Интер е прв со 65 бодови по 27 кола, Милан е втор со 56 од 26 меча. Торино е дури на 18. позиција.
Во попладневниот термин Парма со 2:0 ја совлада Рома со голови на Михаила и Хернани.
Во терминот од 12:30, играа Болоња и Сампдорија и победија домаќините со 3:1 (Бароу, Сванберг, Соријано – Кваљарела).
sportmedia.mk
