Интернационалците од екипата Интер, вклучувајќи ги Ромелу Лукаку, Кристијан Ериксен и Марсело Брозовиќ, добија негативни тетсови на Ковид-19 и ќе имаат право да играат за своите репрезентации.
Локалните здравствени власт во Италија им забранија на „нероазурите“ да патуваат во странство минатата недела, а саботниот натпревар против Сасуоло беше одложен откако се појавија четири случаи на Ковид-19 во тимот.
Сепак, тестовите направени деновиве дадоа негативни резултати и на играчите на Интер им беше дадена можност да с евратат на тренинзи, а странските фудбалери да можат да заминат во своите репрезентации.
Ромелу Лукаку отпатува во Белгија, каде што по пристигнувањето направи нов тест и тој бил негативен, а напаѓачот веќе тренира со својата репрезентација.
Кристијан Ериксен, Шкрињар, Марсело Брозовиќ и Иван Перишиќ исто така заминаа во своите земји, каде ќе настапат за репрезентациите на престојните квалификациски дуели.
sportmedia.mk
