Фото: FC Inter Twitter
Екипата на Интер освои три бода на незгодното гостување кај Фиорентина во 21.коло на Серија А. Вечерва „нероаѕурите“ славеа на „Артемио Франки“ со 2:0 што беше осми меч по ред без пораз во дуелите со Фиорентина.
Резултатот го отвори Никола Бареља во првото полувреме, а конечниот резултат го постави Иван Перишиќ во 52 минута.
Интер ја продолжува трката по „скудетото“, се качи на првото место со поен предност во однос на градскиот ривал Милан кој својот меч од 21. коло ќе го игра во недела против Кротоне.
Фиорентина е на 12 место со 22 поени и го има најлошиот клупски ефект после сезоната 2001/02 (по 21 меч).
sportmedia.mk