Претседателот на ФИФА, Џани Инфантино изјави дека Светското првенство во Катар во 2022 година ќе се одржи со присуство на навивачи на стадионите.
Заради пандемијата голем број спортски натпревари се одржуваат со ограничен број на гледачи, па дури и пред празни трибини.
“Во Катар ќе има полни стадиони. Ковид-19 ќе биде поразен на време, ќе научиме да живееме со тоа”, рече Инфантино.
Светското првенство во Катар ќе се одржи од 21 ноември до 18 декември 2022 година. Ова ќе биде првото светско првенство во историјата што ќе се игра во зима.