Аргентинскиот напаѓач Мауро Икарди дебитираше за Галатасарај во победата со 2:1 над Коњаспор во 7.коло на турската Супер лига. Тој влезе во игра од клупата во второто полувреме и некаде пред крајот на мечот влезе во физичка пресметка со противничките фудбалери. Тој му се фрли на гостинскиот голман Ибрахим Шехич.
Голманот сакаше бргу да ја исфрли топката напред но беше попречен од двајца фудбалери на Галатасарај. Тој остро реагираше по што Икарди се вмеша во пресметката се приклучија и други играчи. Судијата му покажа црвен картон на Шехич, а Икарди заедно со Муслера и Мидшо добија жолти картони.

sportmedia.mk