Играчите на Шалке избегнаа линч од навивачите (ВИДЕО)

Тимот на Шалке 04 и официјално, математички испадна од најсилната Бундес конкуренција сезонава. Тимот од Гелзенкирхен ги доживува најтешките моменти во последните неколку децении. Ова се е дефинитивно по синоќешниот пораз на гостински терен од Арминиа Билефелд, по што играчите на Шалке 04 се вратија дома.

Пред нивниот стадион ги чекаше пеколен дочек. Околу петстотини навивачи ги чекаа да се пресметаат со нив, најпрво вербално, а потоа и со фрлање на јајца и факели врз нив. Во еден момент ситуацијата ескалираше па играчите на Шалке мораа да бегаат во буквална смисла за да не дивеат линч од разулавената и очигледно многу лута маса на навивачи.