Откако вчера италијанскиот новинар Николо Шира објави информација дека Едисон Кавани ова лето си заминува од Манчестер Јунајтед, ваква потврда стигна и лично од таткото на фудбалерот, Луис Кавани. Тој денеска во изјава за аргентинска телевизија рекол дека неговиот син сака да се врати во Јужна Америка.

„Мојот син не се чувствува пријатно во Англија и сака да биде близу до семејството. Тој дефинитивно ќе се врати да игра во Јужна Америка. За Бока јуниорс има некои разговори, затоа што и тој би сакал да игра во овој клуб. Едисон веќе разговараше со Рикелме, но нема договор се уште“, вели таткото на голгетерот.

Кавани се пресели во Манчестер Јунајтед во октомври 2020 година, потпишувајќи договор на 1+1 година.

sportmedia.mk