Британскиот Формула 1 тим Астон Мартин го претстави болидот АМР21 за новата сезона во шампионатот. Неговата официјална презентација се одржа денес. Болидот доби претежно зелена металик боја, и е сосема различен од онаа розева нота која преовладуваше кај болидот кој го имаше претходникот на Астон Мартин, болидот на Расинг Поинт минатата сезона.

Заедно со ребрендирањето на тимот, дојде и до делумна промена на пилотите. На местото на Серхио Перез ќе вози четирикратниот светски шампион Себастијан Фетел, а второто место останува резервирано за Ленс Строл.

Астон Мартин стана седмиот тим кој го престави болидот за новата сезона.


sportmedia.mk