Хамилтон ја навреди Индија нарекувајќи ја „толку сиромашно место“

" alt=

Петкратниот Ф1 шампион, Луис Хамилтон мораше да ги разјаснува своите постапки откако Индијците се најдоа навредени од неговиот коментар дека се работи за „многу сиромашно место“ и дека има „конфликтни чувства“ околу тркањето во земјата.

Хамилтон неодамна ги коментираше новите трки на Ф1 календарот, како Виетнамското ГП од 2020 година, но и за искуството за тркањето во Индија.

„Бев во Виетнам и претходно и таму е прекрасно. Исто така бев и во Индија пред трката и тоа беше чудно, бидејќи тоа е толку сиромашно место, а ја имаме таа голема ГП патека направена никаде. Имав многу конфликтни чувства за тркањето таму“, изјави Хамилтон.

По ова, голем број на Индијци се најдоа навредени од коментарите и неговите социјални мрежи беа преплавени со одговори кои го нарекуваа арогантен и неук, по што Британецот мораше да одговори преку Твитер.

„Забележав дека некои луѓе се навредени од моите коментари за Индија. Прво, Индија е една од најпрекрасните држави на светот со неверојатна култура. Сум ја посетил многу пати и секогаш убаво сум си поминувал. Меѓутоа, иако Индија е државата со најбргу растечка економија, исто така има многу сиромаштија. Сакав да се искажам дека беше чудно да се вози покрај бездомници, а потоа да се пристигне на големата спортска арена каде што парите не се проблем. Потрошија милиони на патека која не се користи, а тие пари можеа да бидат потрошени на училишта или домови“, објасни Хамилтон.

извор: Makfax

Поврзани

Најнови вести

Коментари