Играчот од дефанзивниот ред на Тотенхем Танги Ндомбеле го обвини поранешниот тренер Маурицио Покетино за неговите постојани повреди. Французинот премина во Тотенхем во 2019 година од Лион, а немал добар однос со Покетино и поради честите повреди не играше. Оваа сезона под водство на Мурињо тој има 22 меча и три гола во Премиер лигата.
„Ми беше многу тешко. Неколку пати зборував со пријатели од Франција и сакав да се вратам назад. Исцрпувачките тренинзи со сигурност беа една од причините за постојаните повреди. На моето тело му требаше време да заздрави, да се навикне на товарот“, сподели Ндомбеле.
„На крајот на минатата сезона навистина сакав да го напуштам Тотенхем. Зборував со претседателот Даниел Леви и тој ми рече дека ќе морам да останам и дека ќе се залага за мене. Ми кажа дека проблемот е мојот инает. Се замислив и се мотивирам да покажам за што сум способен и дека можам да играм во првиот тим“, додаде играчот на Тотенхем.
sportmedia.mk