Светската фудбалска сензација, Ерлинг Халанд одговори на прашање во врска со некои споредби во кои новинарите го споредуваат младиот напаѓач на Борусија (Д) со светските фудбалски ѕвезди Лионел Меси (Барселона) и Кристијано Роналдо (Јувентус).
„Новинарите пишуваат за ова, но јас се концентрирам на други работи. Сакам да растам со секој нов ден. Нема потреба да зборувам за Роналдо и Меси, тие се најдобри во историјата. Сè уште сум многу далеку од нив“, вели Норвежанецот.
За Халанд летово ќе се кршат копјата на најголемите европски тимови и прашање е кој ќе успее да го донесе во својот тим за следната сезона.
sportmedia.mk