Феноменалниот норвешки фудбалер, Ерлинг Халанд одново постигна два гола против Севиља, токму тој беше најзаслужен што Борусија Дортмунд се најде во четвртфиналето во Лигата на шампиони.
Во центарот на вниманието се најде потегот на Халанд во 54. минута по изведувањето на вториот удар од белата точка. Тој од втора успеа да го совлада Боно, по што тргна кон него, доволно за да ги изнервира фудбалерите на Севиља, кои го бркаа по терен.
Erling Braut Haaland ❤️ What goes around comes around, Bono. pic.twitter.com/RLwHAfsFZy
— Even Karpuz (@EvenKarpuz) March 9, 2021
За ваквото однесување заработи жолт картон, по мечот ја објасни својата реакција.
„Промашив, а Боно ми се смееше. Кога повторно шутирав и погодив, немаше веќе насмевка. Кога ми дофрли нешто по првиот пенал, помислив дека ќе биде подобро да постигнам уште еден гол. Не знам што му кажав. Беа истите збори кој тој ми ги кажа, и навистина не знам што значат“, изјави Халанд.
На крајот на натпреварот и двајцата си подадоа рака.
sportmedia.mk
