Тимот на Манчестер Сити во голема мера ја заврши работата во оваа фаза од Лигата на Шампионите, затоа што вчеравечер на гостувањето кај Борусија Менхенгладбах успеа да слави со 0:2, па реваншот многу веројатно за момците на Пеп Гвардиола ќе биде само формалност, рутина.
Самиот шпански стратег се обиде по мечот да објасни како тоа неговиот тим, успева така да доминира и да ја обезбеди 19. последователна победа во сите натпреварувања што е извонреден подвиг.
„Имаме многу пари за да купиме вонсериски играчи. Конкретно, Кансело многу напредуваше и сега зема многу повеќе одговорност во играта. Пресреќен сум поради неговите две асистенции во вториот дел“ – изјави Гвардиола по мечот со Гладбах.
sportmedia.mk