Екипата на Манчестер Сити бргу го заборави поразот од Манчестер Јунајтед и им се врати на победите. Вечерва на „Итихад“ беше совладан Саутемптон со 5:2 во рамките на Премиер лигата со што се зацврстија на чело на табелата со 68 бодови.
Во првото полувреме Де Брујн, Марез и Гундоган направија предност од 3:1 (Ворд-Провс во 25 минута погоди од пенал за 1:1).
Во вториот дел Марез зголеми на 4:1, па Адам намали на 4:2, за само три минути подоцна Де Брујн со својот втор гол на мечот да ги постави конечните 5:2.
Саутемптон го запиша 13-тиот пораз во Премиер лигата. За Сити ова е 21. победа.
sportmedia.mk