Фото: Premier league
Манчестер Сити доби уште едно дерби. После Ливерпул, го совладаа и Тотенхем и со крупни чекори итаат кон нова шампионска титула во Премиер лигата. „Граѓаните“ денеска блескаа во дуелот со ѕвездите на Жозе Мурињо, поточно Илкај Гундоган ги полудуваше дефанзивците на лондонската екипа. Посебно беше убав третиот гол во кој му го помати умот на противничкиот играч пред да реализира гол.
Инаку тој е најефикасниот фудбалер во Премиер лигата во 2021 година со девет погодоци.
Резултатот го отвори Родри со гол од пенал во 23 минута, а во второто полувреме Гундоган два пати се запиша во листата на стрелци.
Сити е прв со 53 бода, седум повеќе од вториот Лестер. Тотенхем е дури на осмото место.
sportmedia.mk