Италијанскиот напаѓач Грацијано Пеле е нов голгетер на Парма. Искусниот фудбалер денеска го комплетира трансферот кај „млекарите“, а доаѓа како слободен играч откако му истече договорот со кинески Шандонг Луненг за кои одигра 105 лигашки натпревари и реализираше 52 погодоци.
Претходно играше за Саутемптон, а најголем впечаток остави во Феенорд кога на 28 прволигашки натпревари постигна 23 голови. Пеле беше дел и од Парма од 2011 до 2013 година, а играше уште и за АЗ, Сампдорија, Чезена, Катанија, а првиот клуб му беше Лече.
За Италија има 20 настапи и 9 гола.
sportmedia.mk
