По верашната еуфорија и големиот триумф против светскиот првак Данска на домашен терен, денеска веќе се сумираат впечатоците и се брои играчкиот кадар кој ќе биде способен да го одигра веќе следниот меч против данците в недела на 14 март на нивен терен.
Од нашиот табор за Спортмедиа предмалку потврдија дека за мечот против Данска на нејзин терен кој го играме в недела на 14 март, со почеток од 16:00 часот дефинитивно не може да се смета на услугите на Стојанче Стоилов кој има проблеми со кичмата. Селекторот Кире Лазаров не сака да ризикува со искусниот пикер и затоа тој нема да биде во составот.
На таа позиција сме пополнети покрај со Стоилов уште и со Никола Маркоски и Жарко Пешевски на кого сега нормално ќе падне целиот товар да се одигра исто така на високо ниво против светскиот првак како и во Скопје.
sportmedia.mk