Седум гола вечерва во Неапол, со „хепи енд“ за Наполи, кој со 5:2 го совлада Лацио. Уште во првиот дел Инсиње од пенал и Политано донесоа предност за домашниот тим од 2:0.
Следуваа убавите голови на Инсиње и на Мертенс за 4:0. Потоа минути на Лацио кој преку Имобиле и Сергеј Милинковиќ Савиќ успеа да дојде до 4:2, но Осимен постигна уште еден гол за конечни 5:2.
Инаку и покрај најавите, Елиф Елмас беше во комбинација, и влезе во игра во 82. минута, и покрај тоа што се шпекулираше дека ќе биде суспендиран од овој меч поради тоа што беше избркан од тренинг во текот на вчерашниот ден.
sportmedia.mk