Прекрасен натпревар, прекрасни голови, вистинска голеада на Арената во Скопје попладнево и победа на Шкендија против Работнички со 5:3. Се почна во 2.минута кога по смешната реакција на гостинскиот голман Захов, Марио Станковски стрелаше за 1:0 за Работнички. Се заврши со голот на Бесарт Ибраими бр.20 оваа сезона, кога го искористи истрчувањето на Јанков пред голот на гостите во 90+3.минута, а тоа “бомбардерот“ не го простува.
Шкендија започна со комбиниран состав, но на крајот сепак покажа зошто е шампион. Работнички пак и дефинитивно се прости од битката за излез во Европа,сега и теоријата не игра никаква улога.
sportmedia.mk