logo
logo
logo

Ги објавија стадионите за Копа Америка

Vecer | 02.06.2021

Ги објавија стадионите за Копа Америка

КОНМЕБОЛ потврди дека Бразил ќе биде организатор на Копа Америка откако им беше одземено домаќинството на Колумбија и Аргентина и тоа на 13 дена пред почетокот на континенталниот турнир. Аргентина и Колумбија требаше да бидат коорганизатори, но поради протестите во Колумбија против претседателот оваа држава отпадна од плановите, а поради зголемениот број на КОВИД-19 случаи во Аргентина организаторите го преместија турнирот во Бразил. Ова можеби е апсурдна одлука затоа што Бразил исто така бележи голем број, можеби повеќе од Аргентина, на заразени со КОВИД-19 како и смртни случаи.

Така синоќа е потврдено дека Бразил ќе биде домаќин, а натпреварите од 13 јуни до 10 јули ќе се играат четири стадиони и без публика. Стадионите на кои ќе се играат мечевите се „Маракана“ (Рио де Жанеиро), „Мане Гаринча“ (Бразилија), „Арена Пантанал“ (Куаба) и Естадио Олимпико (Гојана).

Изборот на стадиони е направен така што нема да пречи на одржувањето на бразилското првенство кое продолжува и покрај Копа Америка.

Прво Копа Америка требаше да се одржи во 2020 година но беше одложен за оваа поради Ковид-19.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk