Навивачите на Манчестер Јунајтед направија хаос во неделата, го кренаа гласот против газдите на клубот, американската фамилија Глејзер. Протестите продолжија, незадоволството се зголемува, а не само поради одлуката за настап во Суперлигата место во ЛШ, туку и поради лошата политика што ја водат челниците. Мечот со Ливерпул не се одигра, а навивачите најавуваат пожестоки протести.
Челниците на клубот во меѓувреме објавија дека нема да го продаваат Јунајтед со што ги демантираа некои тврдења дека се преговара за продажба. Според дел од медиумите, првите луѓе на клубот од Манчестер имаат намера да го донесат најдобриот голгетер во Премиер лигата Хари Кејн. Капитенот на Тотенхем не е задоволен на „Вајт Харт Лејн“ затоа што не освојува трофеи, па Јунајтед сака да го искористи моментот и да го донесе.
Од друга страна фамилијата Глејзер се надеваат дека со ова засилување донекаде ќе ги смират страстите на навивачите. За Кејн би требало да издвојат 90 милиони фунти.
sportmedia.mk
