Кинеската групација „Сунинг“, која е сопственик на мнозинството акции во Интер, веќе со недели преговара за нивна продажба, бидејќи кризата предизвикана од „Ковид-19“ и блокирањето на инвестициите во странство од страна на кинеската влада, им ја отежнува работата.

Во моментов се водат преговори со британскиот фонд БЦ Партнерс, но понудата и побарувачката се уште се далеку, а неодамна се појавија и други познати компании, кои се подготвени да инвестираат во Интер.

Сепак, кинеската групација има и план Б, затоа што ако не успее да ги продаде акциите на компанија за која смета дека е соодветна да го води клубот, тогаш ќе побара заем од 200 милиони евра, што би помогнало во управувањето со клубот барем за сезоната 2021/22. Кинезите се надеваат дека ефектите од пандемијата ќе бидат ублажени и приходите на клубот повторно ќе се зголемат. Формулата на позајмицата би била иста како онаа на поранешниот кинески газда во Милан, откако доби значителен долг од фондот „Елиот“, а потоа не успеа да го отплати.

sportmedia.mk