Своите пет минути со медиумите по пласманот на ПСЖ во полуфиналето на Лигата на шампионите ги дочека и првиот човек на францускиот првак, Насер Ал-Келаифи.
Неговиот тим беше поразен од Баерн со 0-1, но по победата од 3-1 се најде на два чекори до титулата.
Ал-Келаифи беше запрашан за ѕвездите Мбапе и Нејмар. Тој имаше порака за сите заинтересирани клубови, посебно за младиот француски фудбалер, кој во последно време се повеќе се поврзува со Реал Мадрид.
„Нејмар и Мбапе сега гледаат дека не мора да си одат и дека можат со ПСЖ да го освојат трофејот во ЛШ. Преговараме, сакаме да ги задржиме. Во моментов разговараме за некои детали, но има уште многу да се направи до конечниот договор“, призна тој.
На Мбапе договорот му истекува следното лето, ако не се согласи да го продолжи договорот, ПСЖ ќе мора да го продаде во следниот преоден рок.
sportmedia.mk
