Тренерот на Наполи Џенаро Гатузо најверојатно ќе ја смени средината по завршувањето на сезоната во Серија А. Поранешниот тренер на Милан е интересен за Фиорентина, пишува истакнатиот италијански новинар Николо Скира кој е „специјалист“ по трансферите во Италија. „Виолетовите“ му спремиле договор на Гатузо со важност до 2023 година, а платата би му изнесувала по 2 милиони евра по сезона.
Гатузо е првиот избор на претседателот на клубот Роко Комисо, кој исто така е спремен да му даде слобода во работата на „Артемио Франки“. Гатузо ќе може да учествува во кроењето на трансферната политика и да работи на подмладување на составот.
Исто така постои опција соработката да биде продолжена на уште една сезона.
Во моментов Фиорентина е на 13-тата позиција во Серија А со 39 поени, додека Гатузо со Наполи се бори за излез во ЛШ.
sportmedia.mk
