Поранешниот тренер на Интер и Рома, Лучијано Спалети по крајот на сезоната најверојатно ќе го преземе Наполи.

Шеесет и двегодишниот Италијанец веќе подолг период е во контакт со неаполскиот клуб, додека последните денови двете страни напредуваа во преговорите, објави новинарот Николо Шира.

Според добриот познавач на италијанскиот фудбал, Наполи му нуди на Спалети двегодишен договор.

За Наполи настапува македонскиот репрезентативец Елиф Елмас, кој не добива голема минутажа од сегашниот тренер Џенаро Гатузо, а згора на тоа двајцата влегоа во конфликт откако Елмас бил отстранет од последниот тренинг поради наводно незалагање.

По 31 коло, тимот се наоѓа на 5. место во Серија А.

 

sportmedia.mk