Откако денеска се појавија информации дека шпанскиот ветеран, Пау Гасол, очекува трансфер во Барселона, денеска се огласи и кошаркарот на социјалните мрежи.
„Денес ги слушнав вестите од Шпанија и решив да кажам дека сè уште сум фокусиран само на закрепнување. Засега не сум подготвен да се вратам на натпреварите. Веднаш штом има нови информации, ќе известувам на моите социјални мрежи“, напиша Гасол.
Медиумите известуваа за можниот трансфер на Гасол во Барселона уште во јули 2020 година. Пау поголемиот дел од својата професионална кариера ја помина во НБА, играјќи за Мемфис, Лос Анџелес Лејкерс , Чикаго, Сан Антонио и Милвоки.
sportmedia.mk
