Турскиот гигант Галатасарај, се одлучи да му врачи отказ на мароканскиот фудбалер Јунус Белханда, поради критики упатени кон раководството на тимот.

Белханда го критикувал раководството поради лошиот терен за натпреварот со Сиваспор, а коментарите на крајот го чинеле отказ.

„Тешко е да се направи било што на таков терен. Погледнете ги овие услови. Теренот мора да биде подобар. Теренот за тренинг изгледа подобар од овој. Ги интересира само објави на социјалните мрежи, а малку треба да се потрудат да го поправат теренот и внатре од клубот“, рече Беханда, зборови кои го чинеа отказ.

Мароканецот беше дел од Галата од 2017 година.


sportmedia.mk