Фудбалерите на Фламенго по вечерашните натпревари во бразилската Серија А стигнаа многу близу до титулата.
Популарниот „Габигол“ со погодокот во 63. минута на мечот го донесе Фламенго на чекор до титулата, по победата над Интернасионал со 2:1 во директната борба за титулата. Со овој триумф, Фламенго го помина Интернасионал на врвот на табелата за два бода и тоа на само едно коло до крајот на шампионатот.
Интернасионал влезе во овој натпревар со шанса да ја освои титулата во случај на победа, поведоа со 1:0, но подоа Фламенго се потруди да дојде до пресврт. Фламенго во последното коло е домаќин на Сао Паоло, додека Интернасионал е домаќин на Коринтијанс. Гигантот Васко де Гама е пред испаѓање. Тие вечерва ремизираа со Коринтијанс (0:0) и практично немаат никакви шанси да останат во елитата на Бразил, затоа што во последното коло мораат да слават со повеќе од десет гола разлика против Гоиас.
sportmedia.mk